Victoria College Dang

ट्रक ठोक्किँदा भाँचियो पुल, डाइभर्सन बनाएर पूर्वपश्चिम राजमार्ग सुचारू – Page 2019 – दाङ खबर

ट्रक ठोक्किँदा भाँचियो पुल, डाइभर्सन बनाएर पूर्वपश्चिम राजमार्ग सुचारू

MadanBhandari College

नवलपरासी साउन २९ । पूर्वपश्चिम राजमार्गअन्तर्गत नवलपरासीको अरूण खोला पुल भाँचिदा रोकिएका सवारी साधनलाई वैकल्पिक बाटो ९डाइभर्सन० निर्माण गरी सञ्चालनमा ल्याइएको छ। अरूणखोला पुलदेखि एक किलोमिटर उत्तरतर्फ करमघारी गाउँबाट खोलामा डाइभर्सन निर्माण गरी यातायात सञ्चालनमा ल्याइएको जिल्ला प्रहरी कार्यालय नवलपरासीपूर्वका प्रहरी निरीक्षक राजेन्द्र अधिकारीले बताए।

साना सवारीलाई पुलबाटै सञ्चालन गरिएको छ। ठूला सवारीका लागि भने खोलामा ‘डाइभर्सन’ निर्माण गरिएको उनले बताए।

तत्कालका लागि रोकिएका सवारी सञ्चालनमा ल्याउन पुलको उत्तरतर्फ करमघारी गाउँ नजिक खोलामा भएका खाल्डोलाई पुरेर ‘डाइभर्सन’ निर्माण गरिएको भए पनि पानी परेको खण्डमा समस्या आउनसक्ने प्रहरी निरीक्षक अधिकारीले बताए।

पानी पर्दा खोलामा पानीको सतह बढ्ने तथा निर्माण गरिएको ‘डाइभर्सन’ बगाउन सक्ने भएकाले पुनः यातायात अवरूद्ध हुन सक्ने उनले बताए।

उनका अनुसार भाँचिएको पुल मर्मतका लागि भने केही समय लाग्नेछ। पुलको तल्लो सतहबाटै मर्मत गर्नु पर्ने भएकाले तत्काल पूर्ण रूपमा पुलबाट यातायात सञ्चालन गर्न केही समय लाग्ने सडक डिभिजन कार्यालयले जानकारी गराएको अधिकारीले बताए।

बुधबार बिहान ना ६ ख ४७१ नम्बरको ट्रक पुलमा ठोक्किँदा पुलको एक स्थानमा क्षति पुगी करीब दुई मिटर तल लच्किएकाले यातायात अवरुद्ध बनेको थियो। अहिले रोकिएका सवारी आ–आफ्नो गन्तव्यतर्फ लागेको प्रहरी निरीक्षक अधिकारीले जानकारी दिए।

पूर्वपश्चिम राजमार्गको नारायणगढ(बुटवल सडकखण्डअन्तर्गत नवलपरासीमा रहेका पुलहरू झण्डै वर्षेनीजस्तो कुनै न कुनैमा क्षति पुग्ने गरेका छन्। यसबाट यात्रुहरूले समस्या झेल्नु परेको छ।

नवलपरासीको नवलपुरअन्तर्गत पर्ने जयश्री पुल, बौलाहाखोला पुल, लोकाहा पुलमा गत वर्ष सवारीले ठक्कर दिई क्षति पुग्दा महीनौँसम्म यात्रुले सास्ती पाएका थिए।

२०३० तिर निर्माण गरिएका नारायणगढ–बुटवल सडक खण्डका पुलको संरचनामा ‘ट्रस’को प्रयोग गरिएको छ। पुल निर्माण गरेको लामो समय भएकाले पुलका संरचना कमजोर बन्दै गएका छन्। सवारीसाधनले पुलमा सामान्य ठक्कर दिँदासमेत पुलको संरचनामा धेरै क्षति पुग्ने गरेको छ।

Sahara Yatayat Dang

प्रतिकृया दिनुहोस्