मोफसल – Page 2 – दाङ खबर
Global Luja Dang

मोफसल

मोफसल

विषाक्त च्याउ खाँदा पाँचजना बिरामी

विषाक्त च्याउ खाँदा पाँचजना बिरामी

हेटौँडा, असार २० । मकवानपुरको मनहरी गाउँपालिका वडा नं ८ सिमपानीमा विषाक्त च्याउ खाँदा पाँचजना बिरामी भएका छन् । बिरामी मध्ये तीन बालबालिकालाई सघन उपचार कक्ष (आइसियु)मा राखी उपचार थालिएको छ । पिसपार्क नजिकैको बस्तीका स्थानीय कृष्णबहादुर थोक्रा, उहाँकी श्रीमती बिनिता थोक्रा, नं वर्षका छोरा महेश थोक्रा र साँढे २ बर्षकी छोरी मनिषा थोक्रा विषाक्त च्याउ खाँदा बिरामी परेका हुन् । त्यसैगरी छिमेकी ७ बर्षीय अनिता बल पनि उनीहरुसँगै च्याउ खाँदा बिरामी भएको मनहरी गाउँपालिका अध्यक्ष एकराज उप्रेतीले जानकारी दिनुभयो । बिहिबार साँझको खानामा च्याउको तरकारी खाएका उनीहरुलाई मनहरीसस्थत प्राथमिक स्वास्थ्य केन्द्रमा प्रारम्भिक उपचारपछि राति नै भरतपुरस्थित पुरानो मेडिकल कलेज लगी उपचार थालिएको थियो । बिरामीहरुमध्ये ९ बर्षीय महेश थोक्रा, ७ बर्षीया अनिता बल र साँढे २ बर्षीया मनिषा थोक्रालाई आइसियु कक्षमा राखी
बस दुर्घटना २२ घाइते, ५ को अवस्था गम्भिर

बस दुर्घटना २२ घाइते, ५ को अवस्था गम्भिर

बारा, असार २० । पूर्वपश्चिम राजमार्ग अन्र्तगत बारा जिल्लाको अमलेखगंज स्थित २ र ३ नम्बर पुल विचको सडक खण्डमा शुक्रबार यात्रु वाहक बस दुर्घटना हुँदा २२ जना घाइते भएका छन् । साथैै दुर्घटनामा ५ जनाको अवस्था गम्भिर रहेको प्रहरीले जनाएको छ । हेटौडाबाट बीरगंजतर्फ आउदै गरेको ना ५ ख ३८९५ नम्बरको मिनिबस जीतपुरसिमरा उपमहानगरपालिका–२२ अमलेखगंज स्थित सडक खण्डबाट झण्डै ५० मिटर तल खसेर सो दुर्घटनामा भएको प्रदेश नम्बर २ ट्राफिक प्रहरी कार्यालय पथलैयाका प्रमुख योगबहादुर पालले बताउनुभयो । घटना लगतै घाइतेहरुलाई उद्धारगरि बीरगंजस्थित नारायणी अस्पताल, हेटौडाको चुरेहिल अस्पताल तथा सिमराको अस्पतालमा उपचारका लागि पठाईएको ट्राफिक प्रमुख पालले बताउनुभयो । तिव्र गतिमा रहेको बस अनियन्त्रित हँुदा सो दुर्घटना भएको हुनसक्ने प्रहरीले जनाएको छ ।
प्रधानमन्त्री रोजगार कार्यक्रम

प्रधानमन्त्री रोजगार कार्यक्रम

दुल्लु, असार २० । कर्णालीका विभिन्न जिल्लामा जीवनयापन गर्दै आएका लोपोन्मुख राउटे समुदायले रोजगारी पाएका छन् । सामुदायिक वन क्षेत्रको काठ काटेर कलात्मक भाँडाकुँडा बनाएर जीविकोपार्जन गर्दै आएका राउटे समुदायका युवा र महिलालाई दैलेखको गुराँस गाउँपालिकाले रोजगारी प्रदान गरेको हो । ‘प्रधानमन्त्री रोजगार कार्यक्रम’ अन्तर्गत समुदायका युवा र महिला गरी ५२ जनालाई रोजगारी दिइएको छ । कार्यक्रमअन्तर्गत रोजगारी पाएको राउटेलाई नाङ्गो डाँडाहरुमा वृक्षरोपण गर्न लगाइएको छ । उनीहरुले वन संरक्षणको कार्य गर्ने गाउँपालिकाले जनाएको छ । उनीहरुले टिमुर, काउलो लगायतका बिरुवा रोप्नाका साथै वन संरक्षणको कार्य गर्नेछन् । त्यसका लागि गाउँपालिकाले विभिन्न औजारहरुसमेत उपलब्ध गराएको छ । राउटेहरु अब रूख काट्ने र मास्ने मात्र नभई वृक्षरोपण गर्नुपर्छ भन्ने भावना जगाउने गाउँपालिकाले लक्ष्य लिएको छ । उनीहरुलाई काम गरेब
खुर्पाले हानेर बुहारीले गरिन् जेठाजुको हत्या

खुर्पाले हानेर बुहारीले गरिन् जेठाजुको हत्या

पोखरा असार १६ । गोरखामा बुहारीले खुर्पाले हानेर जेठाजुको हत्या गरेकी छन्। जिल्लाको शहीद लखन गाउँपालिका ७ बुंकोट चारघरेकी ५२ वर्षकी गोरी मायाँ रानाले ८२ वर्षका जेठाजु बलबहादुर रानालाई खुर्पा प्रहार गरेर हत्या गरेकी हुन्। खुर्पा प्रहारपछि गम्भीर घाइते भएका रानालाई उपचारको लागि जिल्ला अस्पताल गोरखामा उपचारको लागि पुर्‍याएलगत्तै अस्पतालले मृत घोषणा गरेको प्रदेश प्रहरी गरेको गोरखाका प्रहरी प्रमुख एसपी भोला रावलले जानकारी दिए। हत्यापछि रानालाई प्रहरीले नियन्त्रणमा लिएको प्रहरीले जनाएको छ। आरोपित रानालाई प्रहरीले हत्यामा प्रयोग भएको खुर्पासहित पक्राउ गरिएको प्रहरीले जनाएको छ। घटनाबारे थप अनुसन्धान भइरहेको एसपी रावलले जानकारी दिए।
सडक दुर्घटनामा तीनको मृत्यु, १५ जना घाइते

सडक दुर्घटनामा तीनको मृत्यु, १५ जना घाइते

लहान, असार १६ । पूर्व–पश्चिम राजमार्ग अन्तर्गत सिरहाको लहान नगरपालिका–११, पडरिया चौकमा ट्रकले म्याजिक भ्यानलाई ठक्कर दिदाँ दुई महिलासहित ३ जनाको मृत्यु भएको छ भने १५ जना घाईते भएका छन् । सोमबार पूर्वबाट पश्चिमतर्फ जाँदै गरेको ना.१ज ७४५४ नम्बरको म्याजिक भ्यान रोकेको अवस्थामा सोही दिशाबाट जाँदै गरेको ना.८ ख २४१५ नम्बरको ट्रकले अपरान्ह १.०० बजेतिर पछाडिबाट ठक्कर दिदाँ म्याजिकमा सबार सिरहाको पुरानो चोहर्वा निवासी ४० बर्षीय गणपति महरा, सिरहाकै बरियारपट्टी गाउँपालिकाका ७० बर्षीया बचियादेवी राम र नाम ठेगाा नखुलेको एक महिलाको घटनास्थलमै मृत्यु भएको इलाका प्रहरी कार्यालय लहानले जनाएको छ । दुर्घटनामा घाईते भएकाहरुको उपचार लहानस्थित रामकुमार उमाप्रसाद मुरारका स्मारक अस्पतल र सप्तऋषी अस्पतालमा भइरहेको इलाका प्रहरी कार्यालय लहानका प्रहरी नायब उपरीक्षक भेषराज भुसालले जानकारी दिनुभयो ।
माग पुरा गराउने माध्यम बन्दै तालाबन्दी

माग पुरा गराउने माध्यम बन्दै तालाबन्दी

जुम्ला असार १६ । सिंजा गाउँपालिकाका २२ वटा विद्यालयमा शिक्षकहरूले तालाबन्दी गरेका छन्। तलब नपाएको भन्दै निजी शिक्षकहरूले आइतबार विद्यालयमा अनिश्चितकालीन तालाबन्दी गरेका हुन्। गाउँपालिकाका २२ वटै विद्यालयमा कार्यरत ६३ शिक्षकले विद्यालयमा तालाबन्दी गरेको निजी शिक्षक संघर्ष समितिका कोषाध्यक्ष तथा शान्ति आधारभूत विद्यालय तल्लो गोठीका निजी शिक्षक हरिबहादुर रोकायाले बताए। उनले भने ‘तलब उपलब्ध गराउन २२ वटै विद्यालयका शिक्षकहरूले व्यवस्थापन समितिलाई असार ११ गतेसम्मको अल्टिमेटम दिएका थियौँ। अटेर गरेपछि आइतबार अनिश्चितकालिन ताला लगायौँ।’ सिंजा गाउँपालिकाका अध्यक्ष देवलसिंह रावलले भने निजी शिक्षकको तलबसम्बन्धी विषय आफूहरूको सरोकार नरहेको प्रतिक्रिया दिए। विद्यार्थीहरुको पठनपाठन प्रभावित हुने भएकाले विद्यालय बन्द नगरी वार्ताबाटै समाधान खोज्न उनले सुझाव दिए। सम्बन्धित विद्यालयका व्यवस्थापन
दुर्लभ वन्यजन्तु मार्न निकुञ्जभरी तस्करको पासो

दुर्लभ वन्यजन्तु मार्न निकुञ्जभरी तस्करको पासो

नुवाकोट, असार १४ । नुवाकोट, रसुवा र सिन्धुपाल्चोक गरी तीन जिल्लामा फैलिएको लाङटाङ राष्ट्रिय निकुञ्जमा अवैध ढङ्गले संरक्षित मानिएका दुर्लभ वन्यजन्तुको चोरी शिकारीको खतरा बढ्न थालेपछि निकुञ्जले यसबिरुद्ध सक्रियता बढाएको छ । सो क्रममा संरक्षित वन्यजन्तुलाई लक्ष्यित गरी गैरकानुनी रुपमा राखिएका पासो निकुञ्जले धमाधम वरामद गरिरहेको छ । निकुन्जको धुन्चेस्थित कार्यालयले आफ्नो कार्य क्षेत्रअन्तर्गतका वन जङ्गलको सर्च अभियानमा वन्यजन्तुलाई मार्नका लागि राखिएका अवैध पासो वरामद गरेको हो । सर्च अभियान अर्थात् महाहन्ट अप्रेशनअन्तर्गत गत फागुनदेखि हालसम्म भएका प्रगतिबारेमा जानकारी दिँदै लाङटाङ राष्ट्रिय निकुञ्जका प्रमुख संरक्षण अधिकृत (वार्डेन) सुष्मा रानाले विशेष अभियानमा निकुन्जको संरक्षण, सम्वद्र्धन र वन्यजन्तुको वचाउका लागि सफलता प्राप्त भएको बताउनुभयो । जनावर मार्नका लागि तस्करबाट राखिएका २२ थान त
फेरिदै राउटेकाे जीवन शैली

फेरिदै राउटेकाे जीवन शैली

दुल्लु, असार १२ । दैलेखकाे गुराँस गाउँपालिकाले स्थायी परिचयपत्र प्रदान गरेर गाउँपालिकाको नागरिक बनाएको लोपोउन्मुख राउटे समुदायका मुखिया र युवाहरु पहिलोपटक गाउँसभामा सहभागी भएका छन् । राउटे समुदायका मुखिया र युवा गाउँपालिकाको पाचौँ गाउँसभामा सहभागी हुन रानीमत्ता आएका थिए । राउटे समुदायलाई पनि बजेटमा अपनत्व कायम गराउन सभामा सहभागी गराइएको गाउँपालिकाका अध्यक्ष खेमराज ओलीले बताउनुभयो । सभामा बोल्दै राउटे मुखिया सूर्यनारायण शाहीले आफ्ना जनताका लागि पनि बजेट विनियोजन गराउन माग गर्नुभयो । “राउटे परिवर्तनको बाटोमा हिँडेको छ, विस्तारै परिवर्तन हुन्छ”, मुखिया शाहीले भन्नुभयो, पूर्खादेखि गर्दै मान्दै आएको परम्परा हामी एकैचोटी छोड्न सक्दैनौ, सबै परिवर्तन विस्तारै हुन्छ ।” अर्का महामुखिया महिनबहादुर शाहीले राउटे समुदाय फिरन्ते भएको हुँदा दैलेखका विभिन्न ठाउँमा घुमे पनि अब दैलेख बाहेक अन्य जिल्
स्थानीय सरकार बिरुद्ध पाेखिदै विप्लवकाे आक्राेस

स्थानीय सरकार बिरुद्ध पाेखिदै विप्लवकाे आक्राेस

कालिकोट असार ११ । नेत्रविक्रम चन्द विप्लव नेतृत्वको नेकपाका कार्यकर्ताहरुले कालिकोटको नरहरिनाथ गाउँपालिका कार्यालयमा आगजानी गरेका छन् । मध्यरातको करिव एक बजे नरहरिनाथ गाँउपालिकाको प्रमुख प्रशासकीय अधिकृतको कार्यकक्षको झ्याल फुटालेर भित्रै पसेर पेट्रोल खन्याएर आगजानी गरेका हुन् ।जिल्ला प्रहरी कार्यालय कालिकोटका प्रमुख डिएसपी विनोद शर्माका अनुसार प्रशासकीय अधिकृतको कार्यकक्षको झ्याल फुटालेर कार्यालयभित्र पसी पेट्रोल खन्याएर आगजानी गरेका थिए । ‘राति स्थानीय बासिन्दा सुतिरहेका बेला गाउँपालिकामा भएको आगजानी इलाका प्रहरी चौकी कुमालगाउँका प्रहरीहरु र स्थानीय नागरिकको सक्रियतामा नियन्त्रणमा आयो । तर गाउँपालिकाको भौतिक तथा अन्य अभिलेख नष्ट भए ।’ शर्माका अनुसार गाउँपालिकामा भएको आगजानी नियन्त्रणमा लिँदैगर्दा नरहरिनाथ गाउँपालिकाको वडा नं. ६ माल्कोटको वडा कार्यालयका सामान तथा कागजात निकालेर जलाए ।
चट्याङ लागेर दुई बालकको मृत्यु

चट्याङ लागेर दुई बालकको मृत्यु

विराटनगर असार ११ । अविरल वर्षासँगै परेको चट्याङ लागेर मोरङको रंगेली नगरपालिका–९ दोहमना बजारमा बुधबार दिउँसो दुई बालकको मृत्यु भएको छ । दिउँसो ३ बजे परेको चट्याङले रंगेली–९ का १५ वर्षीय राजु ऋषिदेव र १६ वर्षीय अभय ऋषिदेवको मृत्यु भएको इलाका प्रहरी कार्यालय रंगेलीका प्रहरी निरीक्षक कवीन्द्र कार्कीले बताए । बाटोमा हिँडिरहेका बेला वर्षासँगै परेको चट्याङले लागेर उनीहरु घाइते भएका थिए । उपचारका लागी अस्पताल पुर्या‍उना साथ दुवैजनाको मृत्यु भएको बताइएको छ । मृतकको शव पोस्टमार्टमका लागि जिल्ला अस्पताल रंगेलीमा राखिएको छ ।
Open

Expert Education Dang

Close