मुख्य समाचार – Page 550 – दाङ खबर
Global Luja Dang

मुख्य समाचार

मुख्य समाचार

शिक्षा, स्वास्थ्य, कृषि र पूर्वाधारमा प्राथमिकतामा दिँदै तिलोत्तमा नपा

शिक्षा, स्वास्थ्य, कृषि र पूर्वाधारमा प्राथमिकतामा दिँदै तिलोत्तमा नपा

बुटवल असार ६-  रुपन्देहीको तिलोत्तमा नगरपालिकाले आगामी आर्थिक वर्षका लागि शिक्षा, स्वास्थ्य, कृषि र पूर्वाधार विकासलाई प्राथमिकतामा राख्दै आगामी आर्थिक वर्षको नीति तथा कार्यक्रम सार्वजनिक गरेको छ । उक्त नगरपालिकाको आजबाट शुरु भएको तेस्रो नगरसभामा नीति तथा कार्यक्रम प्रस्तुत गर्दै नगर प्रमुख वासुदेव घिमिरेले ‘सामुदायिक विद्यालयको शैक्षिक र भौतिक सुधारः बालबालिका विद्यालय प्रवेशको पहिलो आधार’ भन्ने नाराका साथ शिक्षाको सुधारका लागि स्पष्ट दृष्टिकोण, प्रतिबद्ध र लगनशील भई अगाडि बढ्ने जानकारी दिनुभयो । सामुदायिक विद्यालयमा दिवा खाजा कार्यक्रम शुरु गरिसकेको उक्त नगरपालिकाले सामुदायिक विद्यालयप्रति विद्यार्थीको आकर्षण बढाउन शैक्षिक र भौतिक पक्षको सुधारका साथै विद्यार्थीको आवतजावतका लागि सवारीसाधन उपलब्ध गराउनेसम्मका कार्यक्रम अघि सारेको छ । आगामी तीन वर्षभित्र सामुदायिक र संस्थागत विद्यालय
गाउँस्तरदेखि अन्धोपनको निवारण हुन्छ–मेयर केसी

गाउँस्तरदेखि अन्धोपनको निवारण हुन्छ–मेयर केसी

शिवु खनाल, देउखुरी, असार ६ । लमही नगरपालिकाका प्रमुख कुलबहादुर केसीले अन्धोपन हटाउन सबै लाग्नुपर्ने बताउनुभएको छ । बुधबार लमहीमा भएको आँखा स्वास्थ्य शिक्षा कार्यक्रममा प्रमुख अतिथिको आसनबाट बोल्दै केसीले यस्तो बताउनुभएको हो । मानिसको सबैभन्दा बढी सम्वेदनशील अंग आँखा भएको भन्दै नगर प्रमुख केसीले यसका लागि लमही नगरपालिकाले गाउँ स्तरदेखि अन्धोपन निवारण गर्न विशेष कार्यक्रम सञ्चालन गर्ने बताउनुभयो । ‘लमही नगरपालिकाले आफ्नो कार्य क्षेत्रभित्रका स्थानीयहरुमा भएको अन्धोपनको समस्या निराकरण गर्न विशेष कार्यक्रम सञ्चालन गर्छ’, नगर प्रमुख केसीले भन्नुभयो, ‘आँखाका समस्या भएका बिरामीहरुलाई उपचारमा सहज पहुँच पु¥याउन लमही आँखा अस्पतालसँगको सहकार्यमा अगाडि बढ्छौं ।’ लमही नगरपालिका मात्र नभई सिङ्गो देउखुरीबासीलाई सेवा बिस्तार र विकासलाई अस्पतालले विशेष ध्यान दिनुपर्ने भन्दै केसीले लमही नगरपालिकाले ल
स्थानीय सरकारलाई सभामुख महराको सुझाव-बिपन्न गाउँबाट विकास थाल्नुस्

स्थानीय सरकारलाई सभामुख महराको सुझाव-बिपन्न गाउँबाट विकास थाल्नुस्

घोराही, असार ६ । संघीय संसदका सभामुख कृष्णबहादुर महराले बिपन्न वस्तीहरुबाट विकास थाल्न सुझाव दिनुभएको छ । घोराही उपमहानगरपालिकाका प्रमुखसहित जनप्रतिनिधिहरुसँग बुधबार घोराहीमा भएको छलफलमा सभामुख महराले विकासमा पछि परेको क्षेत्रमा लगानी गर्न आग्रह गर्नुभएको हो । बिपन्न वस्तीहरुका साना–साना योजनाहरुलाई प्राथमिकता दिन सभामुख महराले सुझाव दिनुभएको छ । अबको नीति कार्यक्रम र वजेटमा प्राथमिकीकरण गर्न आवश्यक रहेको भन्दै उहाँले आम नगरबासीलाई विकासको अनुभुत हुने गरी काम गर्नु आग्रह गर्नुभयो । नगरले सक्ने योजनाहरुलाई आवश्यकतामा आधारित ढंगले पूर्णता दिनुपर्ने र मझौला खालका योजनालाई प्रदेश र ठूलो योजनालाई केन्द्रय सरकारले पूर्णता दिने उल्लेख गर्नुभयो । दाङ क्षेत्रनम्वर २ बाट प्रतिनिधिसभामा निर्वाचित सदस्य समेत रहनुभएका सभामुख महराले अब जनताको जीवनस्तर उकास्ने शैलीबाट विकास गरिने समेत आश्वासन दिनुभ
ट्रकले किचेर एकको मृत्यु, चालक फरार

ट्रकले किचेर एकको मृत्यु, चालक फरार

प्यूठान, असार ६ । मंगलबार राति सरुमारानी गाउँपालिका २ रत्‍ने प्यूठानमा ट्रकले किचेर एकजनाको घटनास्थलमै ज्यान गएको छ। सोही गाउँपालिका १ दर्भान निवासी ६७ वर्षीय दलबहादुर सुनारको ज्यान गएको प्रहरीले जनाएको छ।राति घटना भएपनि बुधबार बिहान सात बजेमात्र प्रहरीले खबर पाएको प्यूठानका प्रहरी प्रमुख डीएसपी राजेन्द्र पोख्रेलले जानकारी दिए। गाडीसहित चालक फरार रहेको प्रहरीले जनाएको छ।घटनाको प्रकृती अनुसार भालुवाङबाट प्यूठानतर्फ आउँदै गरेको ट्रकले किचेको हुनसक्ने प्रहरी प्रमुख पोख्रेलले बताए। फरार चालकको खोजि भइरहेको छ।आक्रोशित स्थानीयले दोषीलाई नियन्त्रणमा निलिँदासम्म सडक अवरुद्ध गर्ने चेतावनी दिएका छन्।घटनाको छानबिनका लागि जिल्लाबाट प्रहरी टोली घटनास्थल पुगेको छ।
बालविवाह न्यूनीकरण गर्न अभिभावकलाई तालीम

बालविवाह न्यूनीकरण गर्न अभिभावकलाई तालीम

रोल्पा, असार ६ । जिल्लामा अत्यधिक मात्रामा रहेको बालविवाह न्यूनीकरण गर्न भन्दै रोल्पामा अभिभावकका लागि तीनदिने तालीम सम्पन्न भएको छ । परिवर्तन गाउँपालिकाको राङसी, पोखरामा यही असार १ गतेदेखि चलेको तालीम असार ३ गते सम्पन्न भएको हो । तालीममा अभिभावकले बडो रुचीका साथ सहभागिता जनाएका थिए । नेपाल रेडक्रस सोसाइटी जिल्ला शाखा रोल्पाको आयोजनामा सम्पन्न कार्यक्रममा संयुक्त राष्ट्रसंघीय जनसंख्या कोष युएनएफपीए, रोल्पाको आर्थिक सहयोग रहेको थियो । स्थानीय सहकारी संस्थाका अध्यक्ष पूर्णा रानाको अध्यक्षतामा सम्पन्न कार्यक्रममा नेपाल रेडक्रस सोसाइटी जिल्ला शाखा रोल्पाका सभापति नौलसिंह पुनमगरको प्रमुख आतिथ्यता रहेको थियो । देशकै तुलनामा रोल्पा जिल्लामा बालविवाह दर अधिक रहेको हुँदा यस्को रोकथाम तथा न्यूनीकरणका लागि अभिभावकलाई तालीम दिइएको युएनएफपीए रोल्पाका खगेन्द्र भट्टले जानकारी दिनुभयो । उहाँका
बाँफीकोट कर्णालीको पहिलो छुवाछूत मुक्त गाउँपालिका

बाँफीकोट कर्णालीको पहिलो छुवाछूत मुक्त गाउँपालिका

रुकुम, असार ६ । रुकुम पश्चिमको बाँफीकोट गाउँपालिका कर्णाली प्रदेशकै पहिलो जातीय सद्भावयुक्त तथा छुवाछूत मुक्त स्थानीय तह घोषणा भएको छ । जातीय छुवाछूत तथा सद्भावयुक्त क्षेत्र घोषणाका लागि आवश्यक सबै सूचक पूरा भएपछि मंगलबार औपचारिक कार्यक्रमका बीच बाँफिकोटलाई घोषणा गरिएको हो । बाँफीकोट गाउँपालिकामा ७० प्रतिशतभन्दा बढी छुवाछूतको अन्त्य भएपछि घोषणा गरिएको आयोजकले बताएका छन् । यहाँका सार्वजनिक धारा, मन्दिर, विद्यालय, स्वास्थ्य चौकीलगायतका सार्वजनिक स्थानमा कुनै पनि छुवाछूत नरहेको गाउँ कार्यपालिका सदस्य एवं दलित अगुवा मनबहादुर बादीले बताउनुभयो । यसका साथै गैरदलित र दलितबीच पनि वैवाहिक सम्बन्ध हुने गरेको र सबैका चुलो, घरआँगनमा पनि आवतजावत हुने गरेको सद्भावयुक्त गाउँपालिका घोषणा गरिएको उहाँको भनाइ छ । मंगलबार कर्णली प्रदेशका सामाजिक विकासमन्त्री दल रावतले कर्णाली प्रदेशको पहिलो छुवाछूत तथ
शहीद मार्गमा कडा चट्टान फोर्दै नेपाली सेना

शहीद मार्गमा कडा चट्टान फोर्दै नेपाली सेना

रोल्पा, असार ६ । दाङबाट रोल्पाको थवाङ जोड्ने शहीद मार्गको दुईखोली—खरिबोट सडकखण्डको विभिन्न स्थानमा नेपाली सेनाले कडा चट्टान फोडी बाटो चौडा गरेको छ । सडकखण्डको विभिन्न स्थानमा रहेका ठूलठूला कडा चट्टानले ठूला सवारीसाधन आवतजावतमा मुस्किल पर्दै आएको थियो भने वर्षात्मा समेत पहिरो झरेर सडक अवरुद्ध हुँदा स्थानीयले समस्या भोग्दै आएका थिए । नेपाली सेनाको खड्ग दल गणबाट खटिई गएका सेनाले २० दिनसम्म कार्य क्षेत्रमै खटिई विष्फोटक पदार्थ प्रयोग गरी सडक चौडा कार्य सम्पन्न गरेको खडग दल गण, रोल्पाका गणपति अजय गुरुङले जानकारी दिनुभयो । विभिन्न खण्डमा गरी ७०० मिटरभन्दा बढी कडा चट्टान फोडेर सडक चौडा गरिएको गणले जनाएको छ । सडक विस्तारसँगै विपद्को समयमा रेस्क्यु गर्नसमेत सहज हुने गणपति गुरुङले आशा व्यक्त गर्नुभयो । जोखिमपूर्ण अवस्थामा रहेको सो सडकखण्डमा सवारी आवतजावत गर्दा सधै संसयपूर्ण मानसिकताका सा
विश्वकप फुटबलमा अाज यी देश भिड्दैछन्

विश्वकप फुटबलमा अाज यी देश भिड्दैछन्

काठमाडौं, असार ६ । रुस विश्वकप फुटबलमा बुधबार तीन खेल हुँदैछन् । पहिलो खेलमा समुह बी को खेलमा पोर्चुगल र मोरक्को भिड्दै छन् । यो खेल साँझ ५ः४५ बजे हुनेछ । पोर्चुगलले पहिलो खेलमा स्पेनसंग बराबरी खेलेको थियो भने मोरक्को इरानसंग पराजित भएको थियो । दोस्रो खेलमा समुह ए को उरुग्वे र साउदी अरेबिया खेल्दैछन् । खेल राति ८ः४५ बजे हुँदैछ । पहिलो खेलमा उरुग्वेले इजिप्टलाई १–० ले हराएको थियो भने साउदी अरेबिया रुससंग ५–० ले पराजित भएको थियो । यो खेलमा विजयी भए उरुग्वे अर्को चरणमा पुग्नेछ । लगातार दुई जितसहित रुस अर्को चरणमा पुग्ने पहिलो टिम बनेको छ । रुसले मंगलबार रातिको खेलमा इजिप्टलाई ३–१ ले हरायो । इजिप्ट बाहिरिने पहिलो टिम बनेको छ । बुधबार रातिको अन्तिम खेलमा इरान र स्पेन भिड्दै छन् । समुह बी को यो भिडन्तअघिको खेलमा स्पेनले पोर्चुगलसंग ३–३ को बराबरी खेलेको थियो भने इरानले मोरक्कोलाई हराएको
दाङ औद्योगिक क्षेत्र निर्माणको काम आगामी आवदेखि

दाङ औद्योगिक क्षेत्र निर्माणको काम आगामी आवदेखि

दाङ असार ६ । दाङमा प्रस्ताविक औद्योगिक क्षेत्र निर्माणको काम आगामी आर्थिक वर्षदेखि शुरू गरिने भएको छ । घोराही–उपमहानगरपालिकाको ३ र ५ नम्वर वडामा पर्ने सरकारी जग्गामा औद्योगिक क्षेत्र बनाउन थालिएको छ । औद्योगिक क्षेत्र निर्माणका लागि जग्गा व्यवस्थापनको काम सम्पन्न भएको दाङ जिल्ला उद्योग वाणिज्य सङ्घका महासचिव नरेश कार्कीले जानकारी दिए । सो क्षेत्रमा रहेको सामुदायिक वनमा औद्योगिक क्षेत्र निर्माण गर्न थालिएको छ । सामुदायिक वनको स्वामित्वमा रहेको जग्गामा अहिले थोरै मात्र रुख छन् । रुख कटान धेरै गर्नुपर्ने नभएकाले सो क्षेत्रलाई औद्योगिक क्षेत्रका रूपमा प्रस्ताव गरिएको कार्कीले बताए । ‘बजारदेखि टाढा भएकाले वातावरण प्रदूषण पनि कम हुने भएकाले सो क्षेत्र रोजिएको हो,’ उनले भने, ‘स्थानीयसमेत यस स्थानमा औद्योगिक क्षेत्र बनाउन तयार भएका छन् ।’ त्यहाँ पर्ने जग्गा पाण्डवेश्वर सामुदायिक वन र सर्यु स
चीनमा रहेका प्रधानमन्त्री ओलीले आज राष्ट्रपतिलाई भेट्दै

चीनमा रहेका प्रधानमन्त्री ओलीले आज राष्ट्रपतिलाई भेट्दै

बेइजिङ, असार ६ । चीन भ्रमणका रहनुभएका प्रधानमन्त्री केपी शर्मा ओलीले आज चीनका राष्ट्रपति सी जिङपिङसँग शिष्टाचार भेटवार्ता गर्नुहुने छ । चीनको ग्रेट हल अफ द पिपलमा राष्ट्रपति सिसँग भेटवार्ता गर्ने कार्यक्रम तय भएको छ । त्यसअघि प्रधानमन्त्री ओलीले नेपाली दूतावासमा चीनमा बस्दै आएका नेपाली समुदाय तथा नेपाल–चीन व्यापार मञ्चलाई सम्बोधन गर्नुहुने छ । बेइजिङमा रहँदा उहाँ हिल्टन होटलको देउताइ स्टेट गेष्टहाउसमा रहनुहुनेछ । भ्रमणका क्रममा प्रधानमन्त्री ओलीले आफ्ना चिनियाँ समकक्षी ली खछ्याङसँग प्रतिनिधिमण्डलस्तरीय द्विपक्षीय वार्ता गर्नुहुनेछ । परराष्ट्र मन्त्रालयका अनुसार उहाँले चीनका वरिष्ठ नेतासँग भेटवार्ता गर्नुहुनेछ । भ्रमणकै सिलसिलामा केही सहमति र समझदारीपत्रमा हस्ताक्षर हुनेछ । प्रधानमन्त्री ओलीले चीनको स्वशासित क्षेत्र तिब्बतको राजधानी ल्हासाको पनि भ्रमण गर्नाका साथै तिब्बतका प्रान्तीय न
Open

Expert Education Dang

Close