Global Luja Dang

प्रदेश खबर

धानखोलामा चार राउण्ड गोली चल्यो

धानखोलामा चार राउण्ड गोली चल्यो

ओमप्रकाश गुप्ता भालुवाङ, वैशाख ३० । नेपाल कम्युनिष्ट पार्टीले अह्वान गरेको नेपाल बन्दका क्रममा प्रहरी समेत आंतकित बनेको छ । बन्दकर्ताले बन्द अवज्ञा नगर्न सार्वजकि अपिल गरिरहेका बेला देउखुरीको धानखोलामा ४ राउण्ड गोली चलेको खवर प्राप्त भएको छ । आइतवार विहान करिव ८ बजे तिर धानखोलामा विना कारण प्रहरीले हवाई फायर गरेपछि स्थानीयहरु क्रसित बनेका छन् । प्रत्यक्षदर्शीले दिएको जानकारी अनुसार प्रहरीले एकोहोरो हवाई फायर गरेपछि स्थानीयहरु घरभित्र लुटेका थिए । यस बारे इलाका प्रहरी कार्यालय गढवामा बुझदा गोली नचेको बताएको छ । भारतीय प्रधानमन्त्री नरेन्द्र मोदीको नेपाल भ्रमणका क्रममा भएका सन्धि र सम्झौंता राष्ट्रियताको बर्खिलाप भएको जिकिर सहित नेपाल कम्युनिष्ट पार्टीले शनिवार आह्वान गरेको नेपाल बन्दको प्रभाव देउखुरीमा बिहानै देखि परेको छ ।
पाल्पामा बम विस्फोट, शैक्षिक संस्था, बजार पसल सबै ठप्प

पाल्पामा बम विस्फोट, शैक्षिक संस्था, बजार पसल सबै ठप्प

पाल्पा, वैशाख ३० । यहाँ आज बिहानै बम विस्फोट भएको छ, सदरमुकाम तानसेन नगरपालिका–५ कैलाश नगरस्थित श्रीनगरडाँडाको तल्लो भाग र बस्ती भन्दामाथि करीब ५ बजे बम विस्फोट हुँदा आएको ठूलो आवाजाबट स्थानीयवासी त्रसित भएका छन् । विस्फोटक पदार्थ के भन्नेबारे अनुसन्धान भइरहेको जिल्ला प्रहरी कार्यालयका नायब उपरीक्षक विनोद घिमिरेले बताउनुभयो । नजिकै भेटिएका टुक्रालाई आधार मान्दा प्रेसर कुकर बम हुनुपर्ने उहाँको अनुमान छ । यसैबीच नेकपाले आह्वान गरेको बन्दले जनजीवन बिहानैदेखि प्रभावित भएको छ । बन्दका कारण जिल्लाबाट छुट्ने लामो तथा छोटो सवारी साधन छुटेका छैनन् । शैक्षिक संस्था, बजार पसल सबै ठप्प छन् ।
दाङ र सुर्खेत सडकखण्डको स्तरोन्नतिको काम तीव्र

दाङ र सुर्खेत सडकखण्डको स्तरोन्नतिको काम तीव्र

दाङ, वैशाख ३० । बाइस वर्षदेखि ओझेलमा परेको दाङ–सुर्खेत जोड्ने करीब ६२ किलोमिटर सडकको स्तरोन्नतिको काम चालु आर्थिक वर्षमा तीव्र गतिमा अगाडि बढ्को छ । अघिल्ला वर्षभन्दा यस वर्ष विशेष रुपमा बजेटसमेत वृद्धि भएपछि निर्माणको कामले गति लिँदा पक्की सडकको यात्राको प्रतीक्षामा रहेका पश्चिम दाङवासी आशावादी बनेका छन् । सो सडक पछिल्लो समयमा प्रदेश नं ५ र ६ लाई जोड्ने लिङ्करोडका रुपमा समेत मानिन्छ । दाङको समृद्धिका रुपमा लिइएको सो सडकको कालोपत्रेको काम तीव्र गतिमा भएको सडक डिभिजन कार्यालय दाङले जनाएको छ । विभिन्न चार तहमा काम शुरु भएको सडक डिभिजन कार्यालय दाङका सूचना अधिकारी दुर्गा गौतमले जानकारी दिनुभयो । सडक स्तरोन्नतिको जिम्मा पाएको कालिका कन्स्ट्रक्सन प्रालिले चालु आवसम्म करीब १० किलोमिटर बाटो कालोपत्रे गरिसक्ने र डेढ वर्षभित्र दाङ, सल्यान र सुर्खेतसम्म जोड्ने बाटो निर्माण हुने बताएको छ । प
रूपन्देहीको नयाँमिल चोकमा बम भेटियो, डिस्पोजको तयारी

रूपन्देहीको नयाँमिल चोकमा बम भेटियो, डिस्पोजको तयारी

बुटवल, वैशाख ३० । रूपन्देहीको तिलोत्तमास्थित नयाँमिल चोकमा प्रेसर कुकर बम फेला परेको छ । बुटवल–भैरहवा सडकखण्डमा बम फेला परेको हो । बम भेटिएपछि स्थानीय त्रसित बनेका छन् । बम डिस्पोजलका नेपाली सेनाको डिस्पोजल टोली घटनास्थल तर्फ जाँदै छ । विप्लप नेतृत्वको नेकपाले आइतबार बन्दको आह्वान गरेको हुनाले बम पनि उसैले राखेको हुन सक्ने अनुमान गरिएको छ ।
१० महिनामा ९४५ जना क्षयरोगका बिरामी फेला

१० महिनामा ९४५ जना क्षयरोगका बिरामी फेला

दाङ, वैशाख ३०। दाङमा वितेको १० महिनाको अवधिमा ९४५ जना क्षयरोगका बिरामीहरु फेला परेका छन् । जिल्ला जनस्वास्थ्य कार्यालय दाङका अनुसार बढेका बिरामीसँगै हाल जिल्लामा एक हजार ३०० जना क्षयरोगका बिरामीले डट्स प्रविधिबाट उपचार गरिरहेको जनस्वास्थ्य दाङका अधिकृत डम्बरबहादुर कँवरले जानकारी दिए । उनका अनुसार जिल्लाका विभिन्न शहरबाट बर्षेनी नयाँ बिरामी थपिने गरेका छन् । डट्स प्रविधिबाट बिरामीलाई ६ महिना सम्मको उपचार हुने भएकाले पुराना बिरामी निको हुँदै जाने र नयाँ बिरामी थपिँदै जाने भए पनि बर्षेनी एक हजार २०० को संख्याभन्दा पनि बढी बिरामी उपचारका लागि थपिने गरेको पनि अधिकृत कुवँरले जानकारी दिए । उनका अनुसार यस रोगबाट प्रायः २५ देखि ५० वर्षसम्म उमेर समूहका मानिस बढी संक्रमित हुने गरेका छन् । गत आव ०७३/७४ मा दाङमा एक हजार २०० जना क्षयरोगी भेटिएका थिए भने यस वर्षको १० महिनाको अवधिमा ९४५ बिरामी थप
प्युठान दुर्घटना : मृतकको संख्या ६ पुग्यो

प्युठान दुर्घटना : मृतकको संख्या ६ पुग्यो

प्युठान, वैशाख ३०– कञ्चनपुरको महेन्द्रनगरबाट प्यूठानको खलंगाका लागि छुटेको बस दुर्घटना परी मृत्यु हुनेको संख्या ६ पुगेको छ । ना ४ ख १८७६ नं. को रात्री बस भालुवाङ–प्यूठान सडकखण्ड अन्तर्गत प्यूठानको सरुमारानी गाउँपालिका वडा नं.४ स्थित पाकुरी भन्ने स्थानमा दुर्घटना परेको जिल्ला प्रहरी कार्यालय प्युठानले जनाएको छ । बस काटेर शव निकालिएको छ । दुर्घटनाका बारेमा अाइतबार बिहान ३ बजे जानकारी अाएपछि जिल्ला प्रहरी कार्यालय प्यूठानका कार्यालय प्रमुख प्रहरी नायव उपरीक्षक राजेन्द्र पोखरेलको कमाण्डमा ४० जनाको टोली घटनास्थलमा खटिएको छ । विस्तृत विवरण आउन बाँकी रहेको प्रहरीले जनाएको छ । मृतक पुरुष मध्ये १ जनाको सनाखत भएको छ । प्रहरीका अनुसार सोही बस चालक जिल्ला कैलाली, चौमालाका वीरबहादुर थारु भन्ने सवारी चालक अनुमति पत्रबाट खुल्न आएको छ । अन्य मृतको सनाखत हुन बाँकी छ । गम्भीर घाइते ४ जनालाई उद्दार
रात्री बस दुर्घटना हुँदा ५ जनाको मृत्यु

रात्री बस दुर्घटना हुँदा ५ जनाको मृत्यु

प्युठान,  वैशाख ३०– प्युठानको पाकुरी खोलमा रात्री बस दुर्घटना हुँदा ५ जनाको मृत्यु भएको छ । महेन्द्रनगरबाट प्युठानको खलंगा आउँदै गरेको ना ४ ख १८७६ नम्बरको बस सरुमारानी गाउँपालिकाको पाकुरी खोलामा दुर्घटनामा परेको हो । महाकाली यातयातको बस दुर्घटनामा परेको बारेमा अाज बिहान ३ बजे जानकारी आएको प्रहरीले जनाएको छ । प्रहरीले घटनाका बारेमा पुष्टी गरे पनि विस्तृत विवरण आउन बाँकी रहेको जनाएको छ । दुर्घटनामा ४ जनाको घटनास्थलमै मृत्यु भएको छ । अन्य एक जनाको उपचारका क्रममा ल्याउँदै गर्दा बाटोमा मृत्यु भएको बताइएको छ । दुर्घटनामा चालको मृत्यु भएको छ । मृत्यु हुनेमा तीन पुरुष र दुई महिला रहेको घटनास्थलबाट पत्रकार सिटी पोखरेलले लोकान्तरलाई बताए । उनीहरुको खनाखत हुन बाँकी छ।गाडी ओरालेमा दुर्घटनमा परेको हो । बस सडकबाट करिब दुई सय मिटर तल खसेको छ । दुर्घटनामा परी २० बढी यात्रु घाइते भएका छन् । दुर
विप्लव माओवादीद्वारा भाेलि नेपाल बन्दको आह्वान (विज्ञप्तिसहित)

विप्लव माओवादीद्वारा भाेलि नेपाल बन्दको आह्वान (विज्ञप्तिसहित)

दाङ, बैशाख २९ । नेपाल कम्युनिष्ट पार्टी माओवादीले आज बन्दको आह्वान गरेको छ । भारतीय प्रधानमन्त्री नरेन्द्र मोदीको भ्रमणका क्रममा देखिएको राष्ट्रघातको बिरुद्धमा बन्दको आह्वान गरिएको जनाइएको छ । मोदीको भ्रमणका क्रममा चाकडी गरेर सत्ता लम्बाउने चालबाजी देखिएको भन्दै बन्दको आह्वान गरिएको नेपाल कम्युनिष्ट पार्टीले जनाएको छ । शनिबार जनपरिषद् प्रमुख गणेश चौधरी, योङ रेड फोर्सका अध्यक्ष बिरेन्द्र बिक, अखिल क्रान्तिकारीका अध्यक्ष प्रितिमा चौधरी, अखिल नेपाल क्रान्तिकारी टे«ड युनियन क्रान्तिकारी महासंघका अध्यक्ष अतुल कुँवर, अखिल नेपाल किसान संघ क्रान्तिकारीका अध्यक्ष पोषण बस्नेत, अखिल नेपाल महिला संघ क्रान्तिकारीका अध्यक्ष जानकी दहितले संयुक्त विज्ञप्ति जारी गरी बन्द सफल पार्न सबैमा अनुरोध गर्नुभएको छ ।    
तेस्रो नारायणपुर कप फुटबल प्रतियोगिता सुरु

तेस्रो नारायणपुर कप फुटबल प्रतियोगिता सुरु

नारायणपुर, बैशाख २९ । न्यू स्टार फुटबल एकेडेमी नारायणपुरको आयोजनामा शनिबारदेखि जिल्लास्तरिय तेस्रो नारायणपुर कप फुटबल प्रतियोगिता २०७५ सुरु भएको छ । प्रतियोगिताको घोराही उपमहानगरपालिकाका प्रमुख नरुलाल चौधरीले उद्घाटन गर्नुभएको छ । घोराही उपमहानगरपालिका वडानम्वर १० नारायणपुरको वीपी बाटिका खेल मैदानमा सुरु भएको प्रतियोगिताको उद्घाटन गर्दैै चौधरीले यस्ता प्रतियोगिताले खेलको विकासका लागि महत्वपूर्ण भूमिका निर्वाह गर्ने बताउनुभयो । उहाँले जिल्ला फुटबल संघसँगको समन्वयमा मेयरकप फुटबल प्रतियोगिताको तयारी भइरहेको पनि जानकारी दिनुभयो । जिल्ला फुटबल संघ दाङका अध्यक्ष सुशील श्रेष्ठले जिल्लामा खेलकुद मैदानहरुको अभाव भएकाले फुटबल खेलको विकास सोचे अनुरुप नभएको बताउनुभयो । यस विषयमा स्थानीय तहले ध्यान पु¥याउनुपर्ने उहाँको भनाई छ । खेलकुदको विकासका लागि नारायणपरमा रहेको न्यू स्टार फुटबल एकेडेमीे महत्

बसको ठक्करबाट सल्यानका मजदुरको मृत्यु

नुवाकोट, वैशाख २९-  नुवाकोटको किस्पाङ–५, मनकामनास्थित चाँपडाँडामा बसले ठक्कर दिँदा आज दिउँसो एकजनाको मृत्यु भएको छ । शान्तिबजारबाट सातदोबाटोतर्फ गइरहेको बा ४ ख ७३८९ नं. को बसले सडक निर्माणमा खटिएका मजदुर सल्यान जिल्लाको कालीमाटी गाउँपालिका–३ का कुशल घर्तीको घटनास्थलमै मृत्यु भएको छ । तिव्रगतिमा रहेको बसले सडक छेउमा ढलनाली निर्माणका लागि पर्खाल लगाइरहेका घर्तीलाई ठक्कर दिएको थियो ।
Open

Expert Education Dang

Close