Dangkhabar – दाङ खबर
Global Luja Dang

Author: Dangkhabar

बाढी र पहिरोको विनाश लीला

बाढी र पहिरोको विनाश लीला

काठमाडौं साउन ५ । मनसुन सुरु भएसँगै मुलुकभर आएको वर्षाका कारण बाढी र पहिरोमा परी पछिल्लो १० दिनमा १ अर्ब २ करोड ७२ लाख ४५ हजार ५ सय रुपैयाँ क्षति भएको गृह मन्त्रालयले जनाएको छ । ३४ जिल्लामा बाढी र पहिरोका कारण १० दिनमा ९० जनाको मृत्यु भएको छ । गृह मन्त्रालयको आपतकालीन कार्यसञ्चालन केन्द्रले दिएको तथ्यांकअनुसार २६ असारदेखि परेको अविरल वर्षाका कारण मुलुकभरको जनजीवन प्रभावित भएको छ । मानवीय क्षति र प्रतिकार्यको विवरण सार्वजनिक गर्दै केन्द्रका उपसचिव वेदप्रसाद खनालले ३४ जिल्लामा बाढी र पहिरोको प्रकोपले क्षति पु¥याएको जानकारी दिए । ‘१० दिनको अवधिमा ९० जनाको मृत्यु भएको पाइएको छ भने २९ जना बेपत्ता र ४१ जना घाइते भएका छन्,’ उनले भने, ‘बाढीपहिरोको कारण ३४ जिल्लाका १३ हजार १०१ घरधुरी विस्थापित भएका छन् ।’ बाढीपहिरोका कारण ताप्लेजुङमा एक घर विस्थापित भएको छ भने झापामा तीन जनाको मृत्यु, एक बेपत
माैलाउँदै घुस प्रकरण

माैलाउँदै घुस प्रकरण

दोलखा साउन ५ । अख्तियार दुरुपयोग अनुसन्धान आयोगले १४ लाख ६८ हजार रुपैयाँ घुससहित जलस्रोत तथा सिँचाइ विकास डिभिजन कार्यालय दोलखाका डिभिजन प्रमुख र सिन्धुपाल्चोकका इञ्जिनियरलाई पक्राउ गरेको छ । आयोगले घुस रकमसहित डिभिजन प्रमुख प्रकाश अधिकारी र इञ्जिनियर भोगेन्द्र शाहलाई पक्राउ गरेको हो । प्रमुख अधिकारीको साथबाट १३ लाख ३८ हजार रुपैयाँ र शाहको साथबाट १ लाख ३० हजार रुपैयाँ बरामद भएको अख्तियार दुरुपयोग अनुसन्धान आयोगका प्रवक्ता प्रदीपकुमार कोइरालाले जानकारी दिनुभयो । आयोगका प्रवक्ता कोइरालका अनुसार आराेपितहरुले ठेकेदार र उपभोक्ता समितिबाट कमिसनका रुपमा त्यो रकम प्राप्त गरेका थिए । शुक्रबार साँझ दोलखाबाट काठमाण्डौ जाँदै गर्दा सिन्धुपाल्चोकको सुकुटेबाट उनीहरुलाई पक्राउ गरिएको हो । पक्राउ परेका डिभिजन प्रमुख अधिकारी गएको कार्तिक ५ गतेदेखि जलस्रोत तथा सिँचाइ विकास डिभिजन कार्यालय दोलखामा का
संकटमा वैदेशिक रोजगारी

संकटमा वैदेशिक रोजगारी

काठमाडौं साउन ५ । गोकर्ण विष्टले श्रम, रोजगार तथा सामाजिक सुरक्षा मन्त्रालयको जिम्मेवारी सम्हालेदेखि भन्दै आएको एउटा नारा हो- 'हाम्रा युवा विदेश जानुमा रहर होइन बाध्यता छ।' मन्त्री विष्टले भने जस्तै श्रम बजारमा आउने युवाले देशमै रोजगारी पाउने अवस्था सिर्जना भइसकेको छैन। मलेसिया लगायत खाडी मुलुकमा पाउँदैआएको रोजगारी पनि क्रमश: संकटमा पर्दै गएको छ। मलेसिया रोजगारी बन्द भएसँगै कतार, साउदी, युएई, कुवेत, बहराइन, ओमान लगायतका प्रमुख गन्तव्य मुलुकमा पनि रोजगारीमा समस्या सिर्जना हुन थालेको छ। मलेसिया रोजगारी बन्द र केही मुलुकमा उत्पन्न आर्थिक संकटका कारण र सरकारले लागू गरेको फ्री भिसा फ्री टिकट (शून्य लागत) लगायत कारणबाट वैदेशिक रोजगारीका अवसरहरु साँघुरिँदै गएको श्रमविज्ञ पूर्णचन्द्र भट्टराई बताउँछन्। ‘२०७२ सालदेखि वैदेशिक रोजगारीमा निरन्तर गिरावट आइरहेको छ। एकातिर वैदेशिक रोजगारीमा जाने
अख्तियारकाे फन्दामा कर्मचारी

अख्तियारकाे फन्दामा कर्मचारी

काठमाडौं, साउन ४ । कर्णाली नदी नियन्त्रण आयोजनाका तीन इन्जिनियर १५ लाख घुससहित पक्राउ परेका छन्। शनिबार बर्दियको गेरुवा गाउँपालिकाबाट इन्जिनियरहरु कमल सिटौला, विशेश्वरप्रसाद शाह र हरीप्रसाद चौधरीलाई अख्यितारको टोलीले १५ लाख घुससहित नियन्त्रणमा लिएको हो। अख्तियार दुरुपयोग अनुसन्धान आयोगका प्रवक्ता प्रदीपकुमार कोइरालाले इन्जिनियर त्रयलाई घुस रकमसहित नियन्त्रणमा लिएको पुष्टि गरे। ‘तीनै जनालाई १५ लाख घुससहित नियन्त्रणमा लिएका छौँ’, उनले भने, ‘बाँकी अनुसन्धान हुँदैछ।’ पक्राउ परेका तीनै जनालाई हिरासतमा लिई आवश्यक अनुसन्धान गरिरहेको अख्तियारले जनाएको छ।
महिना दिनमै सात करोडको तरकारी तथा फलफूल निकासी

महिना दिनमै सात करोडको तरकारी तथा फलफूल निकासी

सल्यान साउन ४ । सल्यानको प्रमुख व्यापारिक केन्द्र कपुरकोटबाट एक महिनाको अवधिमा साढे सात करोडको ताजा तरकारी तथा फलफूल निकासी भएको छ। कृषि उपज बजार केन्द्र कपुरकोटबाट असार महिनामात्र साढे सात करोडको तरकारी निकासी भएको हो। केन्द्रका अनुसार ८ हजार १ सय ३४ क्विन्टल ताजा तरकारी तथा फलफूल निर्यात भएको छ। एक महिनाको अवधिमा कृषि उपज बजार केन्द्रबाट ३ हजार २ सय ६९ क्विन्टल टमाटर, २ हजार ६ सय ९७ क्विन्टल बन्दागोपी, १ हजार ४ सय २८ क्विन्टल काउली जिल्ला बाहिर निकासी भएको छ। यस्तै, १ सय १२ क्विन्टल सिमी ४ सय ५२ क्विन्टल भेडे खुर्सानी, ५३ क्विन्टल काँक्रा ४९ क्विन्टल हरियो खुर्सानी, ११ क्विन्टल गाजर, १३ क्विन्टल मुला, २४ क्विन्टल लसुन, निकासी भएको बजार केन्द्रका कर्मचारी विष्णुप्रसाद गौतमले बताए। तराईमा बाढी पहिरोका कारण पनि यो वर्ष तरकारीले राम्रो बजार पाएको उनको भनाई रहेको छ। कपुरकोट बेमौसमी तरका
नेकपाका स्थायी समिति सदस्य देवेन्द्र पौडेल भन्छन्

नेकपाका स्थायी समिति सदस्य देवेन्द्र पौडेल भन्छन्

बुटवल साउन ४ । नेपाल कम्युनिष्ट पार्टी (नेकपा) का स्थायी समिति सदस्य देवेन्द्र पौडेलले दुई दलबीचको एकताका बेला शीर्ष नेताबीचको ५ बुँदे सहमति कार्यान्वयन हुनुपर्ने धारणा राखेका छन् । ‘सरकारको आलोपालो, पार्टी नेतृत्व आलोपालो, सबै तहका संरचनामा पनि सहमति गरेर अघि बढ्ने गरी तत्कालीन एमाले र माओवादीका नेताहरुबीच पाँचबुदे सहमति भएकै हो, सार्वजनिक भएको कुरा लुकाउनुपर्ने छैन’ शनिबार बुटवलमा आयोजित कार्यक्रममा उनले भने, ‘सोही सहमतिलाई आधार बनाएर इमान्दारिताका साथ अघि बढ्नुपर्छ ।’ यद्यपि पौडेलले सरकारमा आलोपालोको सहमति कार्यान्वयन गर्ने बेला अहिले आइनसकेको बताए । सरकार विवादमा फसेको स्वीकार्दै उनले निर्मला काण्ड, विधेयक ल्याउने फिर्ता गर्ने, गुठी बिधेयकका सवाल र विषादी प्रकरणमा सरकारले परिपक्वता नदेखिएको धारणा राखे । पौडेलले ओलीपछिको नेता पुष्पकमल दाहाल नै भएको दोहोर्याए । नेकपा पार्टीको वि
सुरक्षा निकायका प्रमुखलाई मुख्यमन्त्रीको निर्देशन

सुरक्षा निकायका प्रमुखलाई मुख्यमन्त्रीको निर्देशन

दाङ, साउन ४ । प्रदेश ५ का मुख्यमन्त्री शंकर पोख्रेलले बुद्धका मूर्ति तोडफोडको घटनालाई गम्भीर रुपमा लिन सुरक्षा निकायका प्रमुखहरुलाई निर्देशन दिनुभएको छ । रुपन्देहीका सहायक प्रमुख जिल्ला अधिकारी भरतमणि शर्मा, जिल्ला प्रहरी प्रमुख हृदय थापालगायतका जिल्लाका सुरक्षा निकायका प्रमुखलाई आफ्नै कार्यकक्षमा बोलाएर यस्तो निर्देशन दिनुभएको हो । घटना घटेको ७२ घण्टा बित्न लाग्दा समेत दोषीको पहिचान हुन नसक्नु दुःखद् भएको भन्दै मुख्यमन्त्री पोख्रेलले यथाशक्य दोषीकोे पहिचान गरी कारबाही प्रक्रिया अगाडि बढाउन निर्देशन दिनुभएको हो । जन्मस्थलमै बुद्धका मूर्ति तोडफोड भएको घटनाले आफ्नो गम्भीर ध्यानाकर्षण भएको भन्दै मुख्यमन्त्री पोख्रेलले अनुसन्धान प्रक्रियालाई तीब्र र प्रभावकारी बनाउन निर्देशन दिनुभयो । उक्त अवसरमा सुरक्षा निकायका प्रमुखहरुले घटनाको सूक्ष्म ढंगले अनुसन्धान गरिरहेको प्रतिक्रिया दिएका थिए ।
प्यूठानका जन प्रतिनिधि भन्छन्

प्यूठानका जन प्रतिनिधि भन्छन्

सुजल श्रेष्ठ प्यूठान, साउन ४ । भविष्यका कर्णधार बालबालिकाका लागि लगानी गर्ने वातावरण बनेको जनप्रतिनिधिले बताएका छन् । भोलिका कर्णधार बालबालिकासँग आजका दिनमा साझेदारी गर्दै उनीहरुको वृत्ती विकासका लागि अहिलेको संरचना अनुसार लगानी गर्ने अवसर मिलेको जनप्रतिनिधिको भनाई छ । जिल्ला बालभेला तथा अधिवेशनको उद्घाटन शत्रमा बोल्दै प्रमुख अतिथि प्रदेशसभा सदस्य हरिप्रसाद रिजालले बालबालिकाको क्षेत्रको विकासका लागि अहिलेका सरकारले नीति नियम बनाउन थालेको बताउनुभयो । बालबालिकाको क्षेत्रमा लगानी हुन थालेको भन्दै उहाँले बालबालिकाको भविष्य अहिलेको वर्तमानसँग जोडिएको बताउनुभयो । बालबालिकाले हरेक क्षेत्रको ज्ञान राख्नुपर्ने भन्दै त्यसका लागि सरोकार निकायले सहयोग र समन्वय गर्नुपर्नेमा जोड दिनुभयो । कार्यक्रममा जिल्ला समन्वय समिति प्यूठानका प्रमुख केशवराज आचार्यले अहिलेका स्थानीय तहलाई बालबालिकाको क्षेत्
बाख्रा चराउन गएका बालिकाकाे मृत्यु

बाख्रा चराउन गएका बालिकाकाे मृत्यु

रौतहट साउन ४ । रौतहटको देवाही गोनाही नगरपालिकामा बाढीको पानी जमेको खाल्डोमा डुबेर दुई बालिकाको मृत्यु भएको छ । मृत्यु हुनेमा ८ वर्षीया निरुता कुमारी र पिन्की कुमारी रहेको जिल्ला प्रहरी कार्यालय रौतहटले जनाएको छ । देवाही गोनाही नगरपालिका ५ को लालबकैया नदी भन्दा उतर पूर्वतर्फ रहेको बाँधको खाल्डोमा जमेको पानीमा नुहाउन जाँदा उनीहरुको मृत्यु भएको हो । बाख्रा चराउन जाँदा गर्मी भएपछि उनीहरु खाडलमा नुहाउन पसेका थिए ।
फेरियाे युवाकाे परिभाषा

फेरियाे युवाकाे परिभाषा

काठमाडौं साउन ४ । सरकारले युवाको उमेर समूह पाँच वर्ष घटाउने प्रस्ताव गरेको छ । राष्ट्रिय युवा परिषद्ले तयार पारेको ‘राष्ट्रिय युवा परिषद् ऐन–२०७२’ को पहिलो संशोधनमा युवाको उमेर १८ देखि ३५ वर्षलाई राख्न प्रस्ताव गरिएको छ । परिषद्का उपाध्यक्ष माधव ढुङ्गेलले अन्तर्राष्ट्रिय प्रचलनअनुसार नेपालमा पनि युवाको उमेर समूहमा पाँच वर्ष कम गरेर परिभाषित गर्न थालिएको बताए । “सबै मुलुकमा युवाको उमेर ३५ वर्षभन्दा माथि छैन्”, उनले भने, “त्यही भएर हाम्रो मुलुकमा पनि युवाको उमेर ४० वर्षबाट घटाएर ३५ वर्षलाई राख्ने प्रस्ताव गरेका छौँ ।” अहिले भने परिषद्को ऐनमा युवाको उमेरको १६ देखि ४० वर्षलाई परिभाषित गरिएको छ युवाको उमेर घटाउने प्रस्तावसहितको ऐन प्रधानमन्त्री तथा मन्त्रिपरिषद् कार्यालयमा पेश गरिएको छ । परिषद्को ऐनमा युवाको उमेर ३५ वर्ष कायम गरे राष्ट्रिय युवा नीति र युथ भिजन–२०२५ मा पनि युवाको उमेर स्वत
Open

Expert Education Dang

Close