Florence Hospital Dang
Majestic Hotel Dang

आठौं राष्ट्रिय खेलकुद

Birala Tyre Dang

लक्ष्मण बस्नेत

दाङ बैशाख ४ । आठौं राष्ट्रिय खेलकुद हाम्रो प्रदेशमा पसिना र पौरख आफ्नै देशमा भन्ने मुल नाराका साथ दाङको लमहीमा संचालित महिला क्रिकेट प्रतियोगितामा प्रदेश नम्बर १ र प्रदेश नं २ ले विजयी सुरुवात गरेको छन् ।

प्रतियोगिताको उद्घाटन खेलमा टस हारेर व्याटिङ्ग गर्ने सुनौलो अवसर पाएको ५ नं प्रदेश १५ दशमलव २ ओभरमा अलआउट हुदै ७० रन बनाउन सफल भयो । जसमा सरस्वती पुनले १८, सरस्वती जिएम र लक्ष्मी चौधरीले समान १५÷१५ रन जोडे । बलिङ्गतर्फ प्रदेश १ कि रश्मि शर्मा चौलागाइले ३ ओभरमा १ मेडन ओभर सहित १२ रन खर्च गरेर ४ विकेट लिइन । सवनम राइले ३ ओभर २ वलमा ९ रन खर्चेर ४ विकेट लिइन । रुविना क्षेत्रि र भिग्मा तामाङले समान १÷१ विकेट लिए ।

७१ रनको लक्ष्य पच्छ्याएको प्रदेश १ ले १४ दशमलव ५ ओभरमा आफ्ना ३ विकेटको क्षतिमा ७४ रन लिएर ७ विकेटले जित हासिल गरेको दाङ क्रिकेट संघका अध्यक्ष प्रदिप मजगैयाले जानकारी दिए । जसमा रोमा थापाले ३१ बलमा सर्वाधिक २३ रन जोड्न सफल भइन । यस्तै अब्सरी वेगम २१ वलमा १५ र काजल श्रेष्ठले १४ वलमा १२ रन जोडे ।

वलिङ तर्फ प्रदेश ५ बाट कप्तान नेरी थापाले ४ ओभरमा ११ रन खर्च गरेर २ विकेट लिइन । खेलमा प्रदेश १ कि रश्मि शर्मा चौलागाइ म्यानअफद म्याच घोषित भइन् । उनले पहिलो खेलमा १५ ओभरको तेस्रो, चौथो र पाँचौ बलमा ह्याट्रिक विकेट लिन सफल भईन ।

यसैगरी बुधबार सम्पन्न दोस्रो खेलमा २ नं प्रदेश ६२ रनले बिजय भएको छ । लमही क्रिकेट मैदानमा भएको खेलमा गण्डकी प्रदेशलाई ६२ रनले हराउदै प्रदेश नम्बर २ बिजयी भएको हो । टस जितेर गण्डकी प्रदेशले फिल्डिङ रोजेको थियो । प्रदेश नम्बर २ ले २० ओभर खेल्दै ८ विकेटको क्षतिमा एक सय ३५ रन बनाउन सफल भयो ।

कप्तान सरस्वती चौधरीले २६ वलमा ३१ रन जोडिन । यस्तै आरति चौधरीले १६ वल खेलेर १७ रन जोडिन । वलिङ्ग तर्फ गण्डकी प्रदेशकी शिला रेग्मी, एलिसा लामिछाने र सामना पुनले समान २÷२ विकेट लिए । १ सय ३६ रनको विजयी लक्ष्य पच्छ्याउदै मैदान प्रवेश गरेको गण्डकी प्रदेशले २० ओभरमा आफ्ना ८ विकेटको क्षतिमा ७३ रनमा सिमित बन्न पुग्यो ।

सृष्टि पौडेलले ४२ वलमा सर्वाधिक ३० रन, शिला रेग्मीले १८ वलमा १४ रन जोडिन । प्रदेश नम्बर २ की सरस्वती चौधरीले ४ ओभरमा १ मेडन ओभर फाल्दै १३ रन खर्चिएर ४ विकेट लिइन् । गोमा आलेले ३ ओभरमा १८ रन खर्चिएर २ विकेट लिइन । प्रदेश २ कि सरस्वती चौधरी युमन अफ द म्याच घोषित भइन ।
भोलीको खेल बिहान प्रदेश नम्बर १ र २ का बिचमा र दिउसो एपीएफ र प्रदेश ७ का बिचमा हुने छ । यो प्रतियोगितामा कर्णाली प्रदेश बाहेक ६ ओटा प्रदेश र एक विभागिय टिम शसस्त्र प्रहरीको एपीएफ गरि ७ टिमले भाग लिएका छन् ।

Sahara Yatayat Dang

Open

Expert Education Dang

Close