मेनु

ad9

दाङ विशेष

राष्ट्रिय समाचार

ब्लग/विचार

अर्थ/बाणिज्य

कला/साहित्य

मोफसल

खुला पृष्ठ

फिचर स्टोरी

लक्ष्मण बस्नेत,
२५ मंसिर दाङ । मध्यपश्चिम क्षेत्रस्तरिय टेवलटेनिस छनोट प्रतियोगिताको ओमस् सिंगलतर्फ दाङकी रोशनी अधिकारी र मेन्स् सिंगलतर्फ बाँकेका नरेश रावलले क्षेत्रीय उपाधी चुम्न सफल हुनुभएको छ ।  

पुर्वाञ्चलमा पुस ८ देखि १५ गतेसम्म चल्ने बृहत्त सातौं राष्ट्रिय प्रतियोगिता–२०७३ अन्तर्गत टेवुलटेनिस खेलको क्षेत्रीय खेलाडी छनोटका लागि भएको प्रतियोगिताको शनिबार सम्पन्न फाइनलमा दाङकी पूजा नेपालीलाई ३–२ को सेटमा पराजीत गर्दै रोशनीले उपाधी चुम्नुभएको छ, भने बाँकेका प्रविण शेर्पालाई ३–१ को सेटमा पराजित गर्दै नरेशले मेन्स् सिंगलको उपाधी चुम्न सफल हुनुभएको हो ।

फाइनलमा पराजित प्रविण र पूजा रजत पदकमा चित्त बुझाउन बाध्य हुनुभयो । त्यस्तै मेन्स सिंगलतर्फ दाङका विपिन आचार्य, सल्यानका दिपेश राना र दाङका प्रज्ज्वल केसी, ओमन सिंगलतर्फ दाङकी प्रवित्रा खनाल , वर्दियाकी निशा र सुर्खेतकी कल्पना सिंह सातांै राष्ट्रियका लागि छनोटमा परेका छन् । यसैबीच प्रतियोगिता समापन समारोहमा टेवुलटेनिसका वरिष्ठ प्रशिक्षक सुनिल योञ्जन, दाङका प्रशिक्षकद्वय केशवप्रसाद श्रेष्ठ, बालकृष्ण शाह, बाँकेका प्रशिक्षक दिपक श्रेष्ठ, सल्यान जिल्ला टेवुल टेनिस संघका अध्यक्ष सन्तोष शाह, सुर्खेतका टिम व्यवस्थापक हिक्मत मल्ललगायतकाले विजेता उपविजेता खेलाडीहरुलाई मेडल तथा प्रमाणपत्र प्रदान गर्नुभएको थियो ।

मध्यपश्चिम क्षेत्रीय खेलकुद विकास समिति नेपालगञ्ज बाँकेको आयोजना तथा दाङ जिल्ला खेलकुद विकास समितिको संयोजनमा दुई दिनसम्म चलेको प्रतियोगितामा मध्यपश्चिम क्षेत्रका १५ जिल्लामध्ये १० जिल्लाका खेलाडी बीच कडा प्रतिस्पर्धा भएको थियो । कार्यक्रमको सञ्चालन खेलकुद पत्रकार मञ्च दाङका अध्यक्ष लक्ष्मण बस्नेतले गर्नुभएको थियो ।

तुलसीपुर, मंसिर २५ । नेपाल राष्ट्रिय शिक्षक संगठन १० नम्वर ईलाकाको वनभोज अन्तत्र्रिmया कार्यक्रम तुलसीपुरको गणेशपुर पार्कमा सम्पन्न भएको छ । ईलाकाका संयोजक पदमबहादुर वलीको अध्यक्षता तथा दाङ जिल्ला अध्यक्ष भागवत पौडेलको प्रमुख आतिथ्यतामा कार्यक्रम सम्पन्न भएको थियो ।

उक्त अवसरमा बोल्दै प्रमुख अतिथि पौडेलले संगठनलाई बलियो बनाउका लागि सबै लाग्नुपर्नेमा जोड दिनुभएको थियो । साथै कार्यक्रममा वार्षिक रुपमा ईलाकाले गरेका कामको बारेमा समीक्षा गरिएको थियो । त्यसैगरी अबका दिनमा ईलाकाले गर्ने काम र योजनाको बारेमा छलफल भएको थियो । सो अवसरमा संगठनका जिल्ला उपाध्यक्ष अम्विका रावत, अमर माविका प्रधानाध्यापक पदमप्रसाद न्यौपाने, निवृत्त शिक्षक बलदेव आचार्यलगायतले बोल्नुभएको थियो ।

 कार्यक्रमको सहजीकरण संगठनको क्षेत्रीय सदस्य सुस्मा भण्डारीले गर्नुभएको थियो । दशनम्वर ईलाकाअन्तर्गत साविक उरहरी, टरिगाउँ गाविस र फूलबारी गाविसअन्तर्गत संगठनमा आवद्ध शिक्षकहरुको सहभागिता रहेको थियो ।
दाङ, मंसिर २५ । शान्ति प्रक्रियामा सम्वाद गर्दै आएको सम्वाद समूह क्षेत्रीय सचिवालय झापाको टोलीले राप्ती अञ्चलका विभिन्न जिल्लाको भ्रमण गरि शनिबार फर्किएको छ । झापाबाट बिहीबार दाङ आई पुगेको टोलीले दाङका ऐतिहासिक, धार्मिक तथा पर्यटकीय क्षेत्रको अवलोकन गरेको छ ।

त्यस्तै प्यूठानको स्वर्गद्वारी, रोल्पाको होलेरी, दहवन, सल्यानको कपुरकोटको अवलोकन भ्रमण गरेको सम्वाद समूह क्षेत्रीय सचिवालय तुलसीपुरका सहजकर्ता सुशील बस्नेतले जानकारी दिनुभयो । उक्त टोलीले दाङको धारपानीस्थित बिश्वकै ठूलो त्रिशुल, अम्विकेश्वरी मन्दिर र बाह्रकुने दहको समेत अवलोकन भ्रमण गरेको छ ।

पत्रकार, वकील राजनीतिक दल सम्मिलित झापास्थित सम्वाद समूहको टोलीले तुलसीपुरको त्रिशिद्धेश्वरी मन्दिर र मन्दिर व्यवस्थापन समितिले हाल निर्माण सम्पन्न गरेको धर्मशालाको समेत अवलोकन गरेको छ । ३ दिने बसाईका क्रममा उक्त टोलीले २०६० साउन ३२ गतेदेखि भदौ २ गतेसम्म पुरन्धाराको हापुरेमा तत्कालिन सरकार र बिद्रोही पक्ष बीच भएको पहिलो वार्ता स्थलको समेत अवलोकन गरेको छ । टोलीले पुरन्धाराको छहराको समेत अवलोकन गरेको टोलीमा संलग्न पत्रकार गोर्कण पौडेलले जानकारी दिनुभयो ।
लक्ष्मण बस्नेत, 
दाङ, मंसिर २५ । मध्यपश्चिम क्षेत्रीय महिला क्रिकेट छनोट प्रतियोगिताको फाइनलमा दाङ र बाँके भिड्ने भएका छन् । फाइनल खेल भोलि आइतबार दिउसो १ वजे हुनेछ ।
मध्यपश्चिम क्षेत्रीय खेलकुद विकास समिति नेपालगञ्ज बाँकेको आयोजनामा शनिबार सम्पन्न सेमिफाइनल खेलमा वर्दियालाई १० विकेटको फराकिलो अन्तरले पराजित गर्दै दाङले फाइनलको यात्रा तय गरेको छ, भने सुर्खेतलाई ९ विकेटको फराकिलो अन्तरले पराजित गर्दै बाँकेले दाङसँगको फाइनल यात्रा तय गरेको हो ।

बर्दियासँगको सेमिफाइनल खेलको म्यान अफ द ओमन अनिता चौधरी हुनुभयो, भने सुर्खेतसँगको आफ्नो सेमिफाइनल खेलमा बाँकेकी सामना पुन म्यान अफ द ओमन घोषित हुनुभयो । प्रतियोगितामा मध्यपश्चिमका ४ जिल्लाको सहभागिता रहेको महिला क्रिकेट टिम व्यवस्थापक कमल डाँगीले जानकारी दिनुभयो ।

Loading...